Friday, July 10, 2009

സൂര്യഗ്രഹണം



ഏഴാംകടലിനുമക്കരെ
നിന്നുമെഴുന്നള്ളുന്നൊരു ദേവന്‍
ഭൂമിദേവീപ്രീതിയ്ക്കായി 
പ്രകാശമരുളും ദേവന്‍
ശ്യാമളയാമീ ഭൂമികുമാരി-
യ്ക്കനുരാഗം നീ നല്‍കി
അവരുടെ ഹര്‍ഷോന്‍മാദത്താലീ 
പ്രപഞ്ചമാകെ വിളങ്ങീ

ഒരുനാളൊരുനാള്‍ സുരന്റെ മുന്നില്‍ 
കൊഞ്ചിയണഞ്ഞൊരു നാരി
ചന്ദ്രികയവളുടെ പുഞ്ചിരിയില്‍ 
നീ മയങ്ങി വീണൂ കഷ്ടം !
പനിമതിയവളുടെയാശ്ലേഷത്തിന്‍ 
സുഖ നിര്‍വൃതിയിലലിഞ്ഞു
മറന്നു പാടെ ഭൂമിയെ,കഷ്ടം 
 ഇരുണ്ടുപോയ് ഹാ ! ഭൂമി
Post a Comment