നന്മ മാത്രം ഞാനര്ത്ഥിച്ചു ദൈവമേ..
തിന്മയും കൂടി നീനല്കി,യതുമല്ല
നന്മതിന്മകള് വേര്തിരിച്ചീടുവാന്
ചിന്മയനേകി,യനന്യമാം ബുദ്ധിയും.
സ്വര്ഗ്ഗരാജ്യമീ ഭൂമിയില് വരുമെന്ന്
സ്വപ്നവും കണ്ടു ഞാനങ്ങിരുന്നപ്പോള്
ദുഷ്ടശക്തികള് വന്നെന്റെ ചുറ്റിലും
തുഷ്ടമോദരായാര്തുല്ലസ്സിക്കുന്നു.
ശക്തനാക്കുവാന് ഞാനർഥിച്ചുവെങ്കിലും
കഷ്ടമേറ്റും ദുരിതങ്ങളേകിനീ
ഒട്ടുമാലസ്യം കൂടാതെ,ഞാനവ
തട്ടിനീക്കി കരുത്തനായിത്തീരുവാൻ !
നിന്റെ കാരുണ്യമെന്നില് ചൊരിയുവാൻ
നിന്റെ നാമം ജപിപ്പൂ ഞാന് നിത്യവും
ചോദിച്ചതൊന്നുമെനിക്കുനീയൊട്ടുമേ
തന്നതില്ലെന്നു വിലപിപ്പൂ ഞാന്. സദാ ...
തന്നു,നീ പകരമെനിക്കു സ്നേഹിക്കുവാൻ
സ്നേഹിതര്ക്കായി കേഴുമാത്മാക്കളെ.
വേണ്ടതെല്ലാമെനിക്കായി നല്കി നീ
വേണ്ടതുമാത്രമൊട്ടും കുറയാതെ !
ചിന്മയാ, നീയെല്ലാമറിയുന്നോന്
നന്മ,മാത്രമെനിക്കായി നല്കിയോന്
നന്ദി ! സ്നേഹസ്വരൂപനാം ദൈവമേ...
നന്മയിലെന്നെ സുസ്ഥിരനാക്കണേ...
No comments:
Post a Comment