പുതു വര്ഷം പിറക്കുന്നു
ശപഥം ഞാനെടുത്തീടും,
ഇനിമേലില് ഒരു നാളും
പുകവലി ഇല്ലേയില്ല.
ഒരു ബീഡി, ചെറു ബീഡി
അതുപോലും തൊടില്ലല്ലോ
പുകവലി വരുത്തീടും
മാരക രോഗങ്ങള്.
ഇനിയൊരു പുകപോലു-
മെടുക്കില്ല കട്ടായം.
തൊടില്ല, ഞാന് കഴിക്കില്ല
മദ്യമെന്ന വിഷം തെല്ലും .
പുതു വര്ഷം പിറക്കുന്നു
ശപഥം ഞാനെടുത്തീടും
ഇനിമേലില് ഒരു നാളും
ലഹരി ഞാന് തൊടില്ലല്ലോ?
പുതു വര്ഷ പ്രതിജ്ഞകള്
പലവുരു ശ്രമിച്ചിട്ടും
കഴിഞ്ഞില്ല, കഴിയില്ല
പാലിക്കാനെളുതാമോ ?.
പുതു വര്ഷ പിറവിയില്
പതിവായി ചിലരൊക്കെ
പ്രതിജ്ഞകളെടുക്കുന്നു
ദൃഡമായിട്ടത്,പിന്നെ
തകര്ക്കുന്നു സാഘോഷം.
ചരിത്രമിതാവര്ത്തിപ്പൂ .
തകര്ക്കുവാനല്ലെന്നാകില്
പ്രതിജ്ഞകള്ക്കെന്തു വില
തകര്ത്താലല്ലേ വീണ്ടും
പ്രതിജ്ഞയെടുക്കാനാവൂ..
No comments:
Post a Comment