കഷ്ടകാലം മാറ്റിടാന്‍
വിത്തമന്ത്രി കനിയുമോ?
ഞാനൊരു ഇ പി എഫ്
പെന്‍ഷനറാ മാളോരേ ,
പെന്‍ഷ നായ്,കിട്ടുവ-
തെത്രയെന്നറിയുമോ?
എഴുന്നൂറു രൂഭയാ..
ചില്ലറ കാശാണോ?
മുപ്പതിലേറെ വര്‍ഷമീ
സര്‍ക്കാരിന്‍സേവകന്‍
പെന്‍ഷനായടുത്തൂണും
കാത്തു കാത്തിരിപ്പായി .
"അഞ്ചേകാല്‍എന്ന് തമ്പുരാന്‍"
"അഞ്ചേകാല്‍എന്നിതടിയനും"
"ഉണ്ടോ കാലെന്നു പണ്ടാല"
പണ്ട്, ചോദിച്ചതുപോലെ
പണ്ടാല മാരേറുന്നൂ
ഇ പി എഫ് ട്രസ്ടിയായ്.
വിത്തെടുത്തു കുത്തിയും
വോട്ടു ബാങ്ക് കാത്തിടും
വിത്ത മന്ത്രിയറിയുമോ
ഞങ്ങളുടെ ദൈന്യത.
ക്ഷേമ പെന്‍ഷന്‍എന്നത്
ഔദാര്യമല്ലെന്നോര്തിടൂ
രാജനെക്കാള്‍ മുന്തിയ
രാജ ഭക്തരായിടും
ഇ .പി.എഫ്.ട്രസ്ടികളെ
മാറ്റി നിര്‍ത്തി ഞങ്ങടെ
കഷ്ടകാലം മാറ്റിടാന്‍
വിത്തമന്ത്രി കനിയുമോ?
No comments:
Post a Comment