"അവനെ കൊല്ലുക,കൊല്ലുക"-
യെന്നാർത്തുവിളിപ്പൂ,പരീശന്മാർ
"ബാറാബാസിനെ വിട്ടയക്കൂ"...
"കുരിശിലേറ്റുക യേശുവിനേ."..
പീലാത്തോസിന്നരമനമുന്നിൽ
തടിച്ചു കൂടിയ ജനതതി കേൾക്കെ
പിലാത്തോസിൻ വിധിന്യായം
"കൊല്ലുകയരുത്,വിട്ടേക്കവനെ"
ചൊല്ലീ നല്ലൊരു വിധിവാക്യം...
എഴുത്തുകാരതു കുറിച്ചതിൻ പടി
നടത്തിയല്ലോ വിധിന്യായം .
കുറിച്ചെടുത്തവനെഴുതിയതിപ്പടി
കൊല്ലുക,അരുത് വിട്ടേക്കല്ലേ ,
"കൊല്ലുക,അരുത് വിട്ടേക്കല്ലേ"
അശ്രദ്ധയോടെ എഴുതിയതിൻ
ഫലമതെത്ര കഠിനം ചിന്തിക്കൂ ..
ഫലമതെത്ര കഠിനം ചിന്തിക്കൂ ..
No comments:
Post a Comment