പഠിച്ചതല്ലേ,പാടാന്‍ കഴിയൂ,
വിധിച്ചതല്ലേ ലഭിക്കയുള്ളൂ..
കൊതിച്ചതെല്ലാം ലഭിക്കുമെന്നാല്‍,
ശ്രമിച്ചിടാന്‍ നാം മിനക്കെടുമോ?
തെളിച്ച വഴി താന്‍ നടന്നിടേണം
ഒളിച്ചു മാറുക, സ്വയരക്ഷക്കായ്‌.
ചതിച്ചിടുന്നവര്‍ തന്‍സഹവാസം
ഒഴിച്ചു നമ്മള്‍ മുന്നേറീടുക .
ഒഴുക്കുവെള്ളം കുടിക്കയാകാം
ഒഴുക്കിനെതിരെ നീന്തുകയരുത്.
പഴുത്ത കായ്കള്‍ ഭക്ഷിച്ചീടാം,
പുഴുത്തുവെന്നാല്‍ വര്‍ജ്ജിക്കേണം .
നിനച്ച കാര്യം നിവൃത്തിയാകാന്‍
നിറുത്തിടാതെ ശ്രമിച്ചിടേണം.
ചെറുത്തു നിന്നാല്‍ കരുത്തു നേടാം
മറിച്ചിതായാല്‍ മാനം പോകും.
ഒരിക്കല്‍ നേടിയോരനുഭവപാഠം
മരിക്കുവോളം മറന്നിടായ്ക.
മറന്നുവെന്നാല്‍ വീണ്ടും നമ്മള്‍
പിറന്നു വീണൊരു ശിശു പോലല്ലോ
No comments:
Post a Comment