ചൂല്

 ചൂല്, ചൂലേന്നുള്ള വിളികൾ നിരന്തരം

ചാലേ നിരത്തിൽ മുഴങ്ങുന്നത് കേൾപ്പൂ

ഈർക്കിലി ചൂലിന് പകരമിതിപ്പോൾ

നേർത്ത പ്ലാസ്റ്റിക്കിന് വകഭേദമല്ലേ?

കാക്കയും ചൂലുമൊരുപോലെ നാട്ടിൽ

ചീത്തകൾ മാറ്റി വെടിപ്പാക്കിടുന്നോർ

ഇങ്ങനെയുള്ളൊരു ചിന്തയിലല്ലോ

ചൂലേന്തിവന്നോരും സ്വീകാര്യരായി..

ഈർക്കിലിചൂല് പോലെയീപ്ലാസ്റ്റിക്ചൂലിന്

ദീർഘകാലം വൃത്തിയാക്കാൻ കഴിഞ്ഞോ?

കെട്ടഴിഞ്ഞതുപാടേ പട്ടുപോയില്ലേ,ചൂല്

കെട്ടിയ കൈകളും പെട്ടു പോയില്ലേ?