മഴ
പുഴയുടെ
പ്രിയ കാമുകന്.
മഴയൊഴുകി.
പുഴയുടെ പുളിനങ്ങളിലൂടെ,
പുഴയിലേക്ക്,
നീര്ചാലുകളായി ഒഴുകിയിറങ്ങി.
പുഴയും മഴയും ഇഴുകിച്ചേര്ന്നു.
ഒരു പരിരംഭണത്തിന്റെ നിര്വൃതിയില്,
ഒരു ആലിംഗനത്തിന്റെ ആലസ്യത്തില്
അവര് ഒന്നായി .
പരസ്പര പൂരകങ്ങളായി,
ഒരിക്കലും വേര്പിരിയാതെ
പുഴയില് ലയിച്ചു ചേര്ന്ന്
ഒരുമനസ്സോടെ, ഒരു വപുസ്സോടെ
മഴയും പുഴയും ഇണ ചേര്ന്നൊഴുകി .
മഴയും പുഴയും സംഗമിക്കുന്നത് കണ്ട്
പുഴയുടെ പുളിനങ്ങള് പുളകിതരായി .
തീരം താരും തളിരുമണിഞ്ഞു.
പുഴ ഒഴുകും തീരങ്ങളില്
ആനന്ദം തിരതല്ലി.
കുറച്ചു കാലം പുഴ ഇങ്ങനെ അലസമായി ഒഴുകി.
അപ്പോഴാണ് പുഴയുടെ ശത്രുവായി
സൂര്യന് എത്തിയത് .
അസൂയാലുവായ സൂര്യന്
പുഴയെ നശിപ്പിക്കാന് ശ്രമം തുടങ്ങി.
പുഴയോരങ്ങളിലുള്ള പൂങ്കാവനങ്ങള്
സൂര്യന്റെ കോപത്തിനിരയായി .
അവയെല്ലാം ഉണങ്ങി കരിഞ്ഞു പോയി.
തന്റെ കൂട്ടുകാരുടെ ദയനീയ ദൃശ്യം
പുഴയെ ശോക മൂകയാക്കി .
പുഴ ശോഷിച്ചു തുടങ്ങി.
പുഴ വറ്റി വരണ്ടു നശിക്കുമെന്നായപ്പോള് ,
രക്ഷക്കായി കടലമ്മയെ വിളിച്ചു കേണു..
കടലമ്മ കനിഞ്ഞു .
പുഴക്കഭയം നല്കി ,
പുഴ കടലിലേക്ക് ഒഴുകിയെത്തി
പക്ഷെ
സൂര്യന്റെ കോപം ശമിച്ചില്ല.
സൂര്യന്റെ കോപം
ഉഗ്ര താപമായി .
ആഴിയുടെ മാര്ത്തട്ടില്
തളര്ന്നുറങ്ങുന്ന പുഴയുടെ ദുഃഖം
കണ്ണീര് ബാഷ്പമായി.
സ്വാന്തനത്തിന്റെ തലോടലുമായി
അവിടേക്ക്
കുളിര്കാറ്റു വീശി .
കാറ്റിന്റെ കൈകളിലേക്ക് കടലമ്മ
പുഴയുടെ കണ്ണീര് മുത്തുകള്
സൂക്ഷിക്കാന് നല്കി .
കാറ്റു കണ്ണീര് കണങ്ങളുമായി
ഉയര്ന്നു വീശി.
വഴിയില് തടസ്സമായി
ഭീമാകാരനായ മഹാമേരു .
കാറ്റ് പര്വതത്തോട് ഏറ്റുമുട്ടി.
കാറ്റു ശക്തി മുഴുവന് സംഭരിച്ചു.
കൊടുങ്കാറ്റായി ആഞ്ഞു വീശി
പര്വതം കുലുങ്ങിയില്ല.
കാറ്റിന്റെ കയ്യില് നിന്നും
കടലമ്മ നല്കിയ
പുഴയുടെ കണ്ണീര് മുത്തുകള്
തട്ടിയെടുക്കാന് ശ്രമിച്ചു
കാറ്റിന്റെ കയ്യില് നിന്നും കണ്ണീര് മുത്തുകള്
ചിതറി തെറിച്ചു .
കണ്ണീര് മുത്തുകള് മഴ തുള്ളികളായി .
താഴേക്കു വീണു.
അവ ,ഒന്നിന് പത്തായി ,നൂറിനു നൂറായി
എണ്ണിയാലൊടുങ്ങാത്ത മണി മുത്തുകളായി
മണ്ണില് പതിച്ചു
മഴത്തുള്ളികള് വീണ്ടും
കണ്ണീര് ചാലുകളായി
പുഴയിലേക്ക് തന്നെ ഒഴുകിയെത്തി.
അങ്ങനെ മഴയും പുഴയും
വീണ്ടും ഒന്നായി തീര്ന്നു
പ്രിയതമന്റെ പുന :സമാഗമം
പുഴയ്ക്കു പുതു ജീവന് നല്കി
സന്തുഷ്ടമായ പുഴയുടെ തീരവും
വീണ്ടും പുഷ്കലമായി.
മഴയും പുഴയും ഒന്നായി ഒരേമനസ്സോടെ
വീണ്ടും കളകളാരാവത്തോടെ അനര്ഗ്ഗളം
ഒഴുകാന് തുടങ്ങി
അവരുടെ പ്രവാഹം
അനുസ്യൂതമായ
കാല പ്രവാഹമായി
ഇന്നും തുടരുന്നു.
പുഴയുടെ
പ്രിയ കാമുകന്.
മഴയൊഴുകി.
പുഴയുടെ പുളിനങ്ങളിലൂടെ,
പുഴയിലേക്ക്,
നീര്ചാലുകളായി ഒഴുകിയിറങ്ങി.
പുഴയും മഴയും ഇഴുകിച്ചേര്ന്നു.
ഒരു പരിരംഭണത്തിന്റെ നിര്വൃതിയില്,
ഒരു ആലിംഗനത്തിന്റെ ആലസ്യത്തില്
അവര് ഒന്നായി .
പരസ്പര പൂരകങ്ങളായി,
ഒരിക്കലും വേര്പിരിയാതെ
പുഴയില് ലയിച്ചു ചേര്ന്ന്
ഒരുമനസ്സോടെ, ഒരു വപുസ്സോടെ
മഴയും പുഴയും ഇണ ചേര്ന്നൊഴുകി .
മഴയും പുഴയും സംഗമിക്കുന്നത് കണ്ട്
പുഴയുടെ പുളിനങ്ങള് പുളകിതരായി .
തീരം താരും തളിരുമണിഞ്ഞു.
പുഴ ഒഴുകും തീരങ്ങളില്
ആനന്ദം തിരതല്ലി.
കുറച്ചു കാലം പുഴ ഇങ്ങനെ അലസമായി ഒഴുകി.
അപ്പോഴാണ് പുഴയുടെ ശത്രുവായി
സൂര്യന് എത്തിയത് .
അസൂയാലുവായ സൂര്യന്
പുഴയെ നശിപ്പിക്കാന് ശ്രമം തുടങ്ങി.
പുഴയോരങ്ങളിലുള്ള പൂങ്കാവനങ്ങള്
സൂര്യന്റെ കോപത്തിനിരയായി .
അവയെല്ലാം ഉണങ്ങി കരിഞ്ഞു പോയി.
തന്റെ കൂട്ടുകാരുടെ ദയനീയ ദൃശ്യം
പുഴയെ ശോക മൂകയാക്കി .
പുഴ ശോഷിച്ചു തുടങ്ങി.
പുഴ വറ്റി വരണ്ടു നശിക്കുമെന്നായപ്പോള് ,
രക്ഷക്കായി കടലമ്മയെ വിളിച്ചു കേണു..
കടലമ്മ കനിഞ്ഞു .
പുഴക്കഭയം നല്കി ,
പുഴ കടലിലേക്ക് ഒഴുകിയെത്തി
പക്ഷെ
സൂര്യന്റെ കോപം ശമിച്ചില്ല.
സൂര്യന്റെ കോപം
ഉഗ്ര താപമായി .
ആഴിയുടെ മാര്ത്തട്ടില്
തളര്ന്നുറങ്ങുന്ന പുഴയുടെ ദുഃഖം
കണ്ണീര് ബാഷ്പമായി.
സ്വാന്തനത്തിന്റെ തലോടലുമായി
അവിടേക്ക്
കുളിര്കാറ്റു വീശി .
കാറ്റിന്റെ കൈകളിലേക്ക് കടലമ്മ
പുഴയുടെ കണ്ണീര് മുത്തുകള്
സൂക്ഷിക്കാന് നല്കി .
കാറ്റു കണ്ണീര് കണങ്ങളുമായി
ഉയര്ന്നു വീശി.
വഴിയില് തടസ്സമായി
ഭീമാകാരനായ മഹാമേരു .
കാറ്റ് പര്വതത്തോട് ഏറ്റുമുട്ടി.
കാറ്റു ശക്തി മുഴുവന് സംഭരിച്ചു.
കൊടുങ്കാറ്റായി ആഞ്ഞു വീശി
പര്വതം കുലുങ്ങിയില്ല.
കാറ്റിന്റെ കയ്യില് നിന്നും
കടലമ്മ നല്കിയ
പുഴയുടെ കണ്ണീര് മുത്തുകള്
തട്ടിയെടുക്കാന് ശ്രമിച്ചു
കാറ്റിന്റെ കയ്യില് നിന്നും കണ്ണീര് മുത്തുകള്
ചിതറി തെറിച്ചു .
കണ്ണീര് മുത്തുകള് മഴ തുള്ളികളായി .
താഴേക്കു വീണു.
അവ ,ഒന്നിന് പത്തായി ,നൂറിനു നൂറായി
എണ്ണിയാലൊടുങ്ങാത്ത മണി മുത്തുകളായി
മണ്ണില് പതിച്ചു
മഴത്തുള്ളികള് വീണ്ടും
കണ്ണീര് ചാലുകളായി
പുഴയിലേക്ക് തന്നെ ഒഴുകിയെത്തി.
അങ്ങനെ മഴയും പുഴയും
വീണ്ടും ഒന്നായി തീര്ന്നു
പ്രിയതമന്റെ പുന :സമാഗമം
പുഴയ്ക്കു പുതു ജീവന് നല്കി
സന്തുഷ്ടമായ പുഴയുടെ തീരവും
വീണ്ടും പുഷ്കലമായി.
മഴയും പുഴയും ഒന്നായി ഒരേമനസ്സോടെ
വീണ്ടും കളകളാരാവത്തോടെ അനര്ഗ്ഗളം
ഒഴുകാന് തുടങ്ങി
അവരുടെ പ്രവാഹം
അനുസ്യൂതമായ
കാല പ്രവാഹമായി
ഇന്നും തുടരുന്നു.
No comments:
Post a Comment