ആഷാഢമാസം പെയ്തൊഴിഞ്ഞു.
ശ്രാവണപ്പൊന്നിന് കതിര് തെളിഞ്ഞു.
ആസുരദേവനാം മാബലി തമ്പുരാന്
ആഗതനാകും പൊന്നോണമായി..
അത്തംതൊട്ടിങ്ങിഹ പത്തുനാളില്
ചിത്തം തെളിയും ദിനങ്ങളല്ലോ?
പൂവട്ടിയേന്തിയെന് ബാല്യമിപ്പോള്
പൂമരം തേടിയലഞ്ഞിടുന്നോ ?
മുക്കുറ്റി, മന്ദാരം, തെച്ചി, പിന്നെ
മുത്തണി മുല്ലയും ചെമ്പകവും
ചേര്ത്തൊരുക്കീടുമോരത്തക്കളം
നേര്ത്ത വിഷാദമായെന് മനസ്സില്.
ഓര്ത്തു പോയെന് ബാല്യ കൌമാരങ്ങള്
എത്ര കുതൂഹലമായിരുന്നൂ..
പേര്ത്തുമവയെന്റെ സ്വപ്നലോകേ
ചാര്ത്തി നില്ക്കുന്നൂസത് ഭാവനകള്...
No comments:
Post a Comment